FAVPASS · iPHONE
FavPass喺手機上開一個班。
- 一個班
- 一份名單
- 一個通行證
FavPass 係跟住 FavCRM 一齊嘅手機 App。喺網頁開好帳戶之後，一日嘅嘢就喺手機做：開一個班、揀點樣賣、send 條連結入 WhatsApp 群，上堂之前睇邊個會嚟，上堂嗰陣掃 QR 簽到。學員唔裝 App 都可以用條連結報名。
- 10 個
- 免費方案嘅課程數
- 100 位
- 免費方案嘅學員數
- 唔使卡
- 亦冇試用期限
一個班，四種賣法
同一個班可以同時開試堂、單堂、套票同月費，價錢各自定，學員自己揀邊種。
- 試堂：新學員嘅第一堂
- 單堂：淨係嚟一次
- 套票：買一疊堂數，剩返幾多 App 度睇到
- 月費：每個月自動續，唔限堂數就唔填堂數
一份名單，唔使分開記
常規學員、即場加入嘅、補堂返嚟嘅，全部喺同一份名單，簽到方法一樣。
- 每堂一份出席名單
- 掃 QR 或者手動撳
- 即場加入嘅人即刻入名單
- 邊個未到、邊個補緊堂，一眼睇晒
請假同補堂有規矩
每個班自己定規矩：一個學期可以免費請幾多次假、補堂要喺幾多日內用完。
- 免費請假次數逐個班設定
- 補堂過咗期自動作廢，唔使人手追
- 學員喺自己嘅 App 度睇到仲有幾多
收錢：想用先用
Stripe 收卡可以喺手機直接接駁，但唔係必須。第一個學期收現金一樣行得通。
- 接駁咗 Stripe，學員喺班嘅頁面直接畀錢
- 月費由 Stripe 每個月自動收
- 收咗幾多，App 度睇到
- 唔接駁一樣可以開班、管名單同簽到
由開戶到第一個班
報名喺網頁做，日常嘅嘢喺手機做。
- 01
喺網頁開戶
開帳戶問你三條問題就得，唔使填一版嘢。
- 02
開第一個班
時間、堂數、點樣賣，開完即刻有條連結。
- 03
落 App 登入
用 Apple、Google 或者 email 登入同一個帳戶。
- 04
Send 條連結
連結掉入 WhatsApp 群，學員自己撳入嚟報名。
學員嗰邊係點
學員可以完全唔裝 App，裝咗就多幾樣嘢。
唔使裝 App
一條連結就報到名
瀏覽器開得，睇時間表、揀時段、確認，唔使開戶口都得。
裝咗 App
一個銀包
幾間工作室嘅套票、月費同積分放埋一齊，剩幾多堂寫得好清楚。
一個 QR 通行證
入門口俾人掃一掃，唔使印嘢唔使排隊。
常見問題
學員要唔要落 App？
唔使。你 send 出去嗰條連結喺瀏覽器就開到，睇時間表同報名都做得。落咗 App 就多咗個 QR 通行證同一個放晒所有工作室套票嘅銀包。
一定要用 Stripe 收錢？
唔使。Stripe 係得閒先接駁嘅嘢，唔接駁一樣開到班、管到名單、簽到到。收現金嘅班一樣入得名單。
有冇 Android 版？
而家 iPhone 先有，Android 版仲喺內部測試。想我哋出咗通知你，WhatsApp 留個名。
免費方案有冇時限？
冇。10 個進行中課程、100 位學員、1 位教練之內一直免費，唔使信用卡，亦唔會過期。
我已經有 FavCRM 帳戶，使唔使再開？
唔使。用同一個帳戶喺 App 登入就得，班同學員兩邊係同一份資料。